ఓ ముగ్ద సుఖుమార సుగుణ సుసంపన్నరాశి
మృదు మధుర సంభాషిణీ నిర్మలహృదయ
గురుకులమణి దీప్తి , మా మనో స్పూర్తి నేత్రి ,ఆదర్శమార్తీమణి మన అందరి ప్రేమామయి శ్రీమతి కొమ్ము మేరి సుగుణ మణి గారు అసిస్టెంట్ ఫ్రొఫెసర్ గా గవర్నమెంటు నర్శింగ్ కాలేజి కాకినాడ నందు సుదీర్ఘకాలం పనిచేసి పదవీవిరమణ చేస్తున్న సందర్బంగా మీపై జల్లుతున్న పరిమళభరిత అక్షర గులాబి రేకులు , అభినందన స్వర్ణ మల్లెల అక్షింతలు ,గంభీర స్వర ధ్వని పొగడ్త రాగ రంజితాలు
ఓ, నిరాడంబర సేవా రూపమా !
శ్రీకరంబు, శుభకరంబు, అభిషక్తుని సన్నిది' నందు తొలకరి జల్లుల ఆషాడ మాసమందు మీ పదవీ విరమణ ఆనందదాయకం శోభాయమానం
గోదావరి తరగల చీరకుచ్చిళ్ళలో ఓ పాయ చింతపల్లి లాకుల గ్రామం. ఓ గురు తరుణీ ! మీరు ఉత్తమ ఉపాధ్యాయులుగా పేరెన్నికగన్న శ్రీ కొమ్ము జోసఫ్ మరియు శ్రీమతి దయామణి గార్ల గర్భఫలశుక్తిగ తొమ్మిది మంది సంతానంలో నాల్గవ సంతానమైన మీరు కొమ్మువంశ గారాలపుత్రికగా పెరిగారు మీరు. లాకుల గలగల సవ్వడులు వింటునే ప్రాధమిక విద్యను పూర్తి చేసుకొన్నారు ., ఫ్లొరెన్సు నైటింగేలును స్పూర్తిగ నిలుపుకొని, కింగ్ జార్జ్, స్విమ్స్ తిరుపతి నందు "నర్సింగ్ " విద్యను పూర్తి చేసుకొని వైద్య సేవలపై మీ గల మక్కువను చాటుకున్నారు మీరు..
1985 లో కృష్ణాజిల్లా నందిగామలో ప్రభుత్వ స్టాఫ్ నర్సుగా పనిచేస్తూ తల్లిలా అనారోగ్య ,,అభాగ్యులకు మీరందించిన సేవలు మరువలేనివి. చిన్ననాటి నుండి చదువుల్లో మేటిగా వుండే మీకు పదవులు వరించడం పెద్ద విశేషం కాదు, పదవులే వాటిని అవి గౌరవించుకున్నాయంటే అతిశయోక్తి కాదు
ఓ అభినవ నైటింగేల్ సుగుణవతీ !
వృత్తి పట్ల ప్రేమ నిబద్దత,అంకితభావం ఉపాధ్యాయులైన తల్లితండ్రుల స్పూర్తి ,భోధన పట్లగల ఆసక్తి మిమ్మును నర్సింగ్ విభాగంలో లెక్చరర్ను చేసాయి.రోగులకు సేవలు అందించే అతి పవిత్రమైన వృత్తిని చేపట్టడమే భాగ్యమనుకుంటే వేల మంది ఫ్లొరెన్సు నైటింగేలులను తయారుచేసే వృత్తిని ఎంచుకోవడం వృత్తి పట్ల మీ అచంచల అనురక్తికి నిదర్శనం. నర్సింగ్ లెక్చరర్ గా సేవలు అందిస్తూనే కాకినాడ నర్సింగ్ కళాశాల ఏర్పడాలని కలలుకని ఓ తపస్వీ లా కృషిచేసి అనుకున్నది సాధించడం సామాన్యంకాదు . అందుకు అభినందనీయురాలు మీరు! కాలేజీ ఏర్పాటులో అవంతరాలెన్నో దాటుకుని కాకినాడ జి జి హెచ్ నందు నర్సింగ్ కాలేజి ఏర్పడినప్పుడు కాలేజికి తొలి ఇన్చార్జి ప్రిన్సిపాల్ గా వ్యవహరించి రికార్డు సృష్టించినమీకు నర్సింగ్ లోకం జెజేలు పలుకుతుంది. అసిస్టెంట్ ఫ్రొఫెసర్ గా పదోన్నతి పొంది అత్యుత్తమ అధ్యాపకురాలిగా మీరందించిన సేవలు వైధ్యశాఖకు వన్నెతెచ్చాయి.
సహృదయం, సద్భావం, సచ్చీలత, సౌశీల్యం స్వయం కృషి, సమన్యయ తత్వం, జీవిత నడవడికలో నిబద్ధత, , సేవాస్పూర్తి, సేవా భావం రంగరించిన మెరిసే 'జువ్వలా" మిమ్మును ఆస్దానంలో నిలబెట్టాయంటే అతిశయోక్తి కాదు.
నిరంతర విధ్యార్దినిలా, ప్రజ్ఞాశీలురై, దార్మిక చింతనతో, మంచి భోధకురాలిగా, జ్ఞాన సాగరంలో, ఎందరో నర్శింగు విద్యార్ధులను తీర్చి దిద్దిన 'స్వర్ణ శిల్పి" లా దైర్యాన్ని చెప్పే సంజీవిని లా" "జ్ఞాన దాతలా " విధ్యార్దుల ముందు నిలిచి విధ్యార్దుల హృదయాలలో చిరస్దాయిగా నిలిచిపోయిన మీరు మీకు మీరే సాటి. అందుకే అందుకోండి మా ఆత్నీయ అభినందన మందార మాలల దండలూ దండాలు .
ఓ అగ్ర గురు నారీశిరోమణీ !
ఉత్తమ స్టాఫ్ నర్సుగా బెస్ట్ సర్వీసెస్ అవార్డులు ఎన్నో పొందారు. బెస్ట్ ఫెర్మార్మెన్స్ అవార్డులే కాదు ,అత్యుత్తమ నర్సింగ్ టీచింగ్ అవార్డులూ వరించాయంటే అవి మీ అంకితభావానికి అందిన అందలాలు అభినందన నీరాజనాలు.
ఓ ఉత్తమ గృహిణీ
వైధ్యశాఖలో పనిచేయడమంటే ఆషామాషీకాదు ఇల్లాలుగా ఇంటిని చక్కదిద్దుకుని సమయంతో పనిలేని నర్సింగ్ వృత్తిని చేపట్టి ,ఓ ప్రక్క భర్తకు తగిన భార్యగ,తల్లిగ మీ కుమారుడిని లండన్ నగరంలో ఎం బి ఎ చదివేలా తీర్చిదిద్దడం మీరు ఉత్తమ గృహిణిగాను నర్సింగ్ విభాగంలో పనిచేసే ప్రతీ గృహిణికీ ఆదర్శం మీరు.వేలాదిమందిని తీర్చిదిద్దే టీచింగ్ భాధ్యతలు చేపట్టి విజయవంతంగా పదవీ విరమణ చేయడం వృత్తి పట్ల గల మీ ప్రేమానురాగాలకు అంకితభావానికి నారీలోకం వైధ్యశాఖ చేతులెత్తి నమస్కరిస్తుంది
.పదవీ విరమణ మనసుకు భారమైనా తప్పని క్షణాలను భరిస్తూ మీ భావి శేషజీవితకాలం ఆ దేవాదిదేవుని సన్నిధిలో గడవాలని మీకు మీ కుటుంబానికి ఆ ప్రేమామయుని కృపాకటాక్షములు దీవెనలు కలగాలని మీ భావి జీవితకాలం నిండూ నూరేళ్ళు సుఖసంతోషాలతో గడవాలని కోరుకుంటూ
.jpg)
