పరాశురభాణం
ఉగాది కవిత
రచన బెన్ జాన్సన్
బాల సాహితీ రచయిత
పరాభవం పరాభవం
మానవజాతి మానవత్వానికి
అహింసా చేతి కర్రకు పరాభవం
ప్రపంచ లేత చిగురుల మొలకలను
యుద్దోన్మాదపు కారుమేఘాలు కాల్చేస్తున్నాయి
పనిలేని ఆక్రమణ ఉన్మాదం గీతలు దాటేస్తుంది
పరాభవం మానవ హితిహాసాల
పరాభవాలకు ట్రంకు (ట్రంపు ) పెట్టె దొరికింది
దాని తాళం తగులబెట్టే తాండవం ఎక్కడుంది
మహానుభావులందరు ఆదిమానవులై
అడవుల్లో రాతిగుహల్లో దాకున్నారేమో
రాజ్యోన్మాదపు నగలు గలగలలాడుతూ
వికృత రూపంలో గజ్జెల శబ్దం చేస్తున్నాయి
మేధావుల పిడికిలి పిరికిదైపోయిందేమో
గర్జలను గెద్దలు ఎత్తుకు పోయాయేమో
ఓ ప్రపంచ గొంతుకా బొంగురు గొంతుకతొ
దురాక్రమణలపై గీతాలు అల్లుకో
గ్రీష్మపు ఎండల గీరలు తెరలు తెరలుగ గీరెక్కి
ముందుగానే ప్రపంచాన్ని గీరేస్తున్నాయి
ఆకులు పూలు రాలే కాలంలో
మత విధ్వంసాలు ప్రపంచమంతా
హోలీ రంగులు పులుము కుంటున్నాయి
పరాభవం ప్రేమభావనకు పరాభవం
పరాభవం సోదర ప్రేమకు పరాభవం
దిక్కులు పిక్కటిల్లే బాంబుల మోతలకు
శాంతికపోతాలు ఏ దిక్కులకో ఎగిరిపోతున్నాయి
పరాభవం శాంతిని కోరే మనసులకు
మనుషులకు మమతలకు ఘోర పరాభవం
ఏ పరా శురుడో రావాలి
ఏ పరాశురభాణమో సంధించాలి
ప్రపంచ అశాంతి రాకాసి మూకల
కుత్తుకలు తెగనరికి వేల వేల కాంతి
సంవత్సరాల దూరాలకు విసిరి పారేయాలి
సామ్రాజ్యవాదపు దురాశల దుర్నీతిని
పచ్చడి పచ్చడి చేసేయాలి
మానవ వికాస ఆనందాలకోసం
ప్రపంచ శాంతిని జన్మింపజేయాలి
పావన నవజీవన బృందావన
సౌందర్యం వెల్లివిరియాలి
అదే ఉన్నతమైన జన్మ
అదే అసలైన పరాభవనామ సంవత్సరం
అదే అసలైన పరాభవ నామ సంవత్సరం
మిత్రులందరికీ
ఉగాది శుభాకాంక్షలు
No comments:
Post a Comment