పాపం భారతమ్మ (జనశ్రీ)

పాపం భారతమ్మ (జనశ్రీ)

క్షుద్బాద తాళ జాలక
డొక్కారిన బడుగు విప్రుడు
బొంగురు గొంతుకతో బావురుమంటూ
అర్ధరాత్రి ఆకలితో అరుస్తున్నాడని
భారతమ్మ ఆత్రంగా అరేబియా 

తోయము తో పాదములు పరిశుభ్ర పరుచుకుని
అంటార్కిటికా మంచు పీటలు వేసి
నింగిలోకి చూపు చారించామని
ఆకాశపు పళ్లెంలోకి చుక్కల మెతుకులు ఏరి
వెన్నెలమ్మను పెరుగు కూడా వేసి
గోరుముద్దలు వేసి చిరిగిన పైట చెంగుతో
చల్లగాలి విసరుచుండ
విప్రునకు పొలమారి సలిలం  కొరకు
పోరు పెట్టుచుండ పాపం భారతమ్మకు
దిక్కుతోచక దవళ మేఘముల దలచి
ఒక్క నీటి చుక్క అరువివ్వమని అదే పనిగా అడుగుతున్నా మేమే పిపాసులమై పడియుండ
నీరు ఎక్కడ అని ఆవేశంగా  

పశ్చిమ కనుమలలో కి పోయి 

కనులు మూస్తున్నాయి మబ్బులు. 

భారతమ్మ నిరాశగా మోకాళ్లపై కూలబడి
పైట చెంగు తలపై కప్పుకుని 

శూన్యం లోనికి చూస్తుంది .
నోరారిన బడుగు  విప్రుడు
పిపాసియై పృథ్విలో తలదాచుకునె

సిద్దాంతపు బెన్ జాన్ సన్
9908953245