రాజరికం శిధిలావస్ధ

 భారతదేశంలోని దాదాపు 500 రాజ కుటుంబాల (Royal Families) సంపద చాలా కాలంగా క్షీణిస్తోంది. 1947లో బ్రిటన్ (Britain) నుంచి స్వాతంత్య్రం ( Independence) పొందిన తర్వాత వారి ఆడంబరమైన జీవనశైలి నాటకీయంగా తగ్గిపోయింది.

వివిధ రాజకుటుంబాలు, మహారాజులు, మహారాణులు, నవాబులు, బేగంలు, నిజాంలు, యువరాజులు, యువరాణులు అందరి అధికారాలు తొలగిపోయాయి.. వారి భూములను స్వాధీనం చేసుకొన్నారు.. కొందరికీ ఇప్పటికీ పరిహారం దక్కకపోవడం గమనార్హం. అయితే రాజ కుటుంబాలకు చెందిన కొందరు శక్తివంతమైన వ్యాపారవేత్తలు, రాజకీయ నాయకులుగా మారితే.. మరికొందరు తమ వద్ద ఉన్న రత్నాలు, నగలు, నౌకలు తదితర ఆస్తులను అమ్ముకొని, అప్పులపాలై, చాలీచాలని ఆదాయంతో జీవితాలను నెట్టుకొస్తున్నారు. దీనావస్థలో ఉన్న రాజ కుటుంబాల కొన్ని గాధలు ఇవే..

ఉస్మాన్ అలీ ఖాన్, హైదరాబాద్ చివరి నిజాం వారసులు

ఒకప్పుడు ప్రపంచంలోనే అత్యంత ధనవంతుడు. ఇప్పుడు అతని వారసుల వద్ద అతని సంపదలోని ఒక భాగం కంటే తక్కువ ఉంది. 20వ శతాబ్దం ప్రారంభం నాటికి నిజాం సంపద సుమారు 100 మిలియన్ పౌండ్లు. బంగారం, వెండి కడ్డీలు, 400 మిలియన్‌ పౌండ్ల విలువైన ఆభరణాలు ఉండేవి. కాగితాలు గాలికి ఎగిరిపోకుండా ఉంచే పేపర్ వెయిట్ కోసం 200 మిలియన్‌ పౌండ్ల విలువైన 185 క్యారెట్ వజ్రాన్ని నిజాం ఉపయోగించారు. అతని అంతఃపురంలో 86 మంది ఉంపుడుగత్తెలు ఉండేవారు. 100 మంది కంటే ఎక్కువ అక్రమ సంతానం ఉన్నట్లు సమాచారం. దీని కారణంగా 1990ల నాటికి అతని సంపదపై చట్టపరమైన హక్కుదారులు 400 మందికి పైగా చేరుకున్నారు.

ఇస్తాంబుల్‌లోని ఒక చిన్న అపార్ట్‌మెంట్‌లో బలహీనమైన, ముసలి తనంలో మధుమేహంతో.. చెప్పలేని సంపద, అందమైన మాజీ భార్యలు, 14,718 మంది సభికుల జ్ఞాపకాలతో బతుకుతున్న నిజాం వారసుడు ముకర్రం జా అత్యంత దురదృష్టవంతుడు.

* రాజా బ్రజరాజ్ క్షత్రియ బీర్బర్ చముపతి సింగ్, తిగిరియా మహాపాత్ర

తన రాజభవనాన్ని బలవంతంగా విక్రయించి, రాచరికపు అధికారాలను తొలగించడంతో రాజా బ్రజరాజ్ క్షత్రియ బీర్బర్ చముపతి సింగ్ ఇప్పుడు గ్రామ ప్రజల దయతో జీవిస్తున్నాడు. అతను ఒడిశాలో జీవించి ఉన్న చివరి మాజీ పాలకుడు. ఒకప్పుడు భారతదేశంలో విలాసవంతమైన రాజు. అతని వద్ద 25 లగ్జరీ కార్లు ఉండేవి. 30 మంది సేవకులతో ప్యాలెస్‌లో నివసించాడు. 13 పులులు, 28 చిరుతపులులను కాల్చి చంపిన వ్యక్తిగా ప్రసిద్ధి.

అయితే భారత స్వాతంత్య్రం తర్వాత అతని అదృష్టం అదృశ్యమైంది. తన రాష్ట్ర పన్ను ఆదాయాన్ని రాజు కోల్పోయారు. బదులుగా సంవత్సరానికి 130 పౌండ్ల ప్రైవీ పర్స్ ఇచ్చారు. 1960లో తన రాజభవనాన్ని 900 పౌండ్లకు బలవంతంగా విక్రయించవలసి వచ్చింది. తరువాత అతని భార్య విడిపోయింది. 1975లో ప్రభుత్వం చివరిగా మిగిలిన రాచరికపు అధికారాలను ఉపసంహరించుకుంది. ఆయన తన వార్షిక ఆదాయాన్ని కోల్పోయారు. ఈరోజు మధ్యాహ్న భోజనానికి అన్నం, పప్పు తెచ్చే గ్రామస్తుల దయతో శిథిలావస్థలో ఉన్న మట్టి గుడిసెలో జీవిస్తున్నారు. ఆ కాలంలో గొప్పతనాన్ని, ఇప్పుడు ఈ జీవితాన్ని చూస్తున్న తాను సంతోషంగానే ఉన్నానని.. అప్పుడు నేనే రాజుని, ఇప్పుడు నేను పేదవాడిని,, కానీ నాకేమీ పశ్చాత్తాపం లేదని రాజా బ్రజరాజ్ క్షత్రియ బీర్బర్ చముపతి సింగ్ చెబుతున్నారు.

* సుల్తానా బేగం, బహదూర్ షా జాఫర్ ముని మనవడి భార్య

భర్త చనిపోయాక ఫించనుతో 6 మంది పిల్లలను పోషించాల్సిన స్థాయికి ఆమె జీవితం పడిపోయింది. ఆమె బహదూర్ షా జాఫర్ ముని మనవడిని వివాహం చేసుకుంది. ఆమె భర్త ప్రిన్స్ మీర్జా బేదర్ బఖ్త్, ఆయన 1980లో మరణించినప్పటి నుంచి సుల్తానా పేదరికంలోకి దిగజారిపోయింది. కోల్‌కతాలోని ఒక మురికివాడలో ఒక చిన్న రెండు గదుల గుడిసెలో నివసిస్తోంది. ఆమె తన పొరుగువారితో వంటగదిని పంచుకొంటోంది. వీధి కొళాయి వద్ద నుంచి నీటిని తెచ్చుకొని వీధిలోనే పాత్రలను శుభ్రం చేసుకొంటోంది.

ఆమె 19వ శతాబ్దపు రాజకుటుంబానికి సంబంధించిన వ్యక్తి అని రుజువు ఉన్నప్పటికీ.. సుల్తానా తన రోజువారీ జీవితాన్ని నెలకు అందే రూ.6000 ఫించనుతో గడుపుతోంది. ఆ మొత్తంలోనే తన ఐదుగురు కుమార్తెలు, కొడుకు బతకాల్సి వస్తోంది.

గ్వాలియర్ సింధియాస్

తోమర్లు గ్వాలియర్ అద్భుతమైన కోటను నిర్మించారు. మొఘలులు దానిని అపఖ్యాతి పాలైన జైలుగా మార్చారు. 1857 తిరుగుబాటుదారులు దీనిని వ్యూహాత్మక అవుట్‌పోస్ట్‌గా ఉపయోగించారు. చివరికి ఇది సింధియాలకు బలమైన కోటగా మారింది. గ్వాలియర్ కోటను సింధియాలు ఆయుధశాలగా, ఖజానాగా ఉపయోగించారు. సింధియాల వద్ద 'గంగాజలి'గా పేర్కొనే భారీ సంపదను దానిలోనే ఉంచారు. యుద్ధాలు, కరవు వంటి సమయాల్లో ఉపయోగించుకొనేందుకు ఆ సంపదను పోగు చేశారు.

ఈ ఖజానాకు బాధ్యత వహించిన మహారాజా జయజీరావు సింధియా హఠాత్తుగా మరణించడంతో.. ఆ సంపదను పొందేందుకు అవసరమైన రహస్య కోడ్‌ను అతని కుమారుడు మాధవరావుకు చెప్పలేకపోయారు. అప్పుడు మాధవరావు చిన్న పిల్లవాడు. దీంతో ఆ కుటుంబం చాలా ఏళ్లుగా ఆర్థికంగా చితికిపోయింది. ఏళ్ల తరబడి సంపద పోగొట్టుకుని జీవితం కష్టతరంగా మారింది. అదృష్టవశాత్తూ చివరికి మాధవరావు సంపద ఉన్న చోటును కనుక్కొన్నారు. వారి ఆర్థిక సమస్యలు చాలా వరకు పరిష్కారమయ్యాయి. అతను నిధిని కనుగొన్నప్పుడు.. ఆస్తులను లిక్విడేట్ చేయాలని నిర్ణయించుకున్నారు. టాటా సహా అనేక పరిశ్రమలు, కంపెనీలలో పెట్టుబడి పెట్టారు.

* జియావుద్దీన్ టుసీ, చివరి మొఘల్ చక్రవర్తి బహదూర్ షా జాఫర్ వారసుడు

జియావుద్దీన్ టుసీ చివరి మొఘల్ చక్రవర్తి బహదూర్ షా జాఫర్‌ ఆరో తరం వారసుడు. ప్రస్తుతం అవసరాలు తీర్చుకోవడానికి కష్టపడుతున్నారు. అద్దె ఇంట్లో నివసిస్తున్న అతను ఇప్పటికీ ప్రభుత్వం పూర్వపు మొఘలుల ఆస్తులను చట్టబద్ధమైన వారసులకు అప్పజెబుతుందని నమ్ముతున్నారు. మొఘల్ వారసులకు రూ.100 స్కాలర్‌షిప్‌ను కొంతకాలం క్రితం ప్రభుత్వం నిలిపివేసింది. ఆ మొత్తాన్ని రూ.8 వేలకు పెంచాలని ఆయన కోరుతున్నారు. ఆర్థికంగా అణగారిన మొఘల్ వారసుల అభ్యున్నతి కోసం ప్రభుత్వం డబ్బు మంజూరు చేయాలని విజ్ఞప్తి చేస్తున్నారు. టుసీకి ఇద్దరు నిరుద్యోగ కుమారులు ఉన్నారు. ప్రస్తుతం ఆ కుటుంబం ఫించనుపైనే ఆధారపడి జీవిస్తోంది.

ఉత్రదం తిరునాళ్ మార్తాండ వర్మ, ట్రాన్వాన్‌కోర్ మాజీ రాజు

ఇది తమ సంపదనంతా భగవంతుడికి ధారపోసిన కుటుంబం. 1750 నాటికి ట్రావెన్‌కోర్ ధనికంగా బలపడిన పెద్ద ప్రాంతంగా అవతరించింది. అప్పటి రాజు అద్వితీయమైన ఆధ్యాత్మిక కేంద్రంగా ఆ ప్రాంతాన్ని అభివృద్ధి చేశారు. అతను తన సంపదలన్నింటినీ ఆలయానికి అప్పగించాలని నిర్ణయించుకున్నారు. పద్మనాభస్వామి వారి కుటుంబ దైవం.

1839లో తిరుగుబాటుకు దాదాపు రెండు దశాబ్దాల ముందు వారు బ్రిటీష్‌వారిని ఎదిరించారు.. ఈ తర్వాత తీవ్ర పరిణామాలను ఎదుర్కోవాల్సి వచ్చింది. ట్రావెన్‌కోర్‌లోని 50,000ల మంది సైన్యాన్ని తొలగించారు. బ్రిటిష్ రెజిమెంట్‌ల నిర్వహణకు నష్టపరిహారం చెల్లించాలని ఆదేశించారు. ఆ తర్వాత 2011లో తిరువనంతపురంలోని శ్రీపద్మనాభ స్వామి ఆలయంలోని ఖజానాలో అపారమైన సంపదను గుర్తించిన ప్రభుత్వం దానికి రాష్ట్ర రక్షణ కల్పించాలని ఆదేశించింది. అయితే ఈ నిధి తనకు లేదా ప్రభుత్వానికి చెందినది కాదని, దేవుడిదని రాజు ఒక ప్రకటన చేశారు.

టిప్పు సుల్తాన్ వారసులు

భారతదేశం నుంచి గొప్ప యోధులలో ఒకరు టిప్పు సుల్తాన్‌. అతని వారసులు ఇప్పుడు జీవనోపాధి కోసం రిక్షాలు లాగుతున్నారు. "టైగర్ ఆఫ్ మైసూర్"గా గౌరవం అందుకొన్న టిప్పు సుల్తాన్ తన సైనిక వ్యూహాలు, రాజనీతిజ్ఞతతో ఖ్యాతి పొందారు. 1799 మేలో సెరింగపట్నంలో బ్రిటిష్ వారితో పోరాడుతూ మరణించారు. అతని వంశం ఇప్పుడు అంతరించిపోయే ప్రమాదంలో ఉంది. టిప్పు సుల్తాన్ వారసులు దుర్భరమైన జీవితాలను అనుభవిస్తున్నారు. మనుగడ కోసం చిన్న ఉద్యోగాలు చేస్తున్నారు. దేశంలోని అతిపెద్ద , ధనిక ముస్లిం ట్రస్ట్‌లలో ఒకటైన ప్రిన్స్ గులాం మహ్మద్ ట్రస్ట్‌కి వారసులుగా కొనసాగుతున్నప్పటికీ ఈ పరిస్థితి తప్పడం లేదు.

అతని 12 మంది కుమారులలో ఏడుగురికి వారసులు లేరు. మిగిలిన 5 మందిలో మూనిరుద్దీన్, గులాం మహ్మద్ అనే ఇద్దరు మాత్రమే గుర్తించగలిగినవారు. వారి వారసులు చిన్న వ్యాపారులుగా జీవనోపాధి పొందుతున్నారు. గులాం మహమ్మద్ వంశానికి చెందిన వారు శిథిలమైన హవేలీలో దుర్భరమైన పేదరికంలో జీవిస్తున్నారు.

సకీనా మహల్, అవధ్ యువరాణి

ఒకప్పుడు విస్తారమైన భూమిని పరిపాలించిన ఈ కుటుంబం, ఢిల్లీలోని ఒక అడవిలో ఉన్న అపఖ్యాతి పాలైన మహల్‌లో నివసిస్తోంది. యువరాణి సకీనా మహల్, ఆమె కుటుంబం అవద్ రాజ్యాన్ని పరిపాలించింది. ఒకప్పుడు మధ్య భారతదేశంలోని మముత్ స్వాత్‌ను పరిపాలించారు. ప్రస్తుతం మధ్య వయస్కులైన పి ఇన్సెస్ సకీనా , యువరాజు రియాజ్ మల్చా మహల్‌లో నివసిస్తున్నారు. ఈ నిర్మాణం ఒకప్పుడు తుగ్లక్ కాలం నాటి వేట వసతి గృహంగా ఉంది. ఇప్పుడు చెప్పలేనంతగా శిథిలావస్థకు చేరుకుంది. ప్రభుత్వంతో 9 ఏళ్ల సుదీర్ఘ న్యాయపోరాటం తర్వాత చివరకు ప్రతి నెలాఖరున రూ.500, అదనంగా స్థలాలు కేటాయించారు.

వీడ్కోలు గీతం

 వీడ్కోలు గీతం

రచన: శ్రీ సిద్దాంతపు బెనాన్సన్, (జనశ్రీ) ఎమ్.ఎ., బి. ఎస్సీ, బి.యిడి, ఆంగ్ల ఉపాధ్యాయులు

లా... లాలాల లాలా..

మా బంగారు ఐడి నీకు కోటిదండాలు నిను ఏనాడు మరువం చదువుల గుడి మాకు మా బాల్యపు గురుతైన సౌధమా. ఆనందాల స్నేహితుల ఆలయమా మా వీడ్కోలు అలాపన ఆలకిస్తావా నీతో ఉండే వరమే ఇస్తావా.

ప్రియ గురుదేవుళ్ళారా 

మీ విద్యార్థులమంది

 మీ పాఠాలు బోధనలు 

మనసును తడిమే స్పర్శండి.

అల్లరి గోలలతో మిమ్ము బాదించుంటేను

 క్షమియించి దీవించి మమ్మును పంపండి. మా వీడ్కోలు ఆలాపన అలకిస్తారా మీ చిరకాలం ఉండే వరమే ఇస్తారా.

ప్రియ స్నేహపు చిరునామాలు మీ చేయిని విడవొద్దు మన బందాలు ఆత్మీయత చివురులు వేయాలి.

• పైపై చదువులతో మనం పై పైకెదగాలి మన పూరికి బడికి పేరును తేవాలి. | అమ్మ నాన్న మురిసి ఆనందించాలి. కలలాగ కరిగెను కాలమంతాను శిలలో ఉండిపోతే ఎంతో బాగుండు

Farewell Party Celebrations 2018

Z.P.H.S. U. KOTHAPALLI

ఆత్మ

 ఎదైనా సరే నమ్మకంపై ఆధారపడి ఉంటుంది. అయితే, అమెరికా చరిత్రలో కనీవినీ ఎరుగని ఓ సంఘటన జరిగింది. చనిపోయిన ఓ వ్యక్తి ఆత్మ తన కేసునే తానే సాల్వ్ చేసుకున్నది. అమెరికాలో వెస్ట్ వర్జీనియాకు చెందిన గ్రీన్ బ్రియర్ కౌంటీలో ఎల్వా జోనా హీస్టెర్ షుయ్ అనే కొత్తగా పెళ్లైన యువతి అనుమానాస్పదంగా మృతి చెందింది. ప్రెగ్నెన్సీ సమస్యలతో మృతి చెందినట్లు ప్రకటించారు. చనిపోయిన యువతిని కుటుంబసభ్యుల ముందే ఖననం చేశారు. 1896లో అంటే ఆమె చనిపోవడానికి ముందు ఎల్వాజో లోహాలతో తయారు చేసే ఎరాస్మస్ అనే వ్యక్తితో వివాహం జరిగింది. ఈ వివాహం జరిగిన మూడు నెలలకు ఆమె చనిపోయింది.

Read: Air India: ఎయిర్ ఇండియా కు మాలేలో ఘన స్వాగతం.ఎందుకంటే.

భర్త ఇంట్లోనే ఆమె చనిపోయింది. అయితే, ప్రెగ్నెన్సీ సమస్యల కారణంగా మరణించిందని అంతా అనుకున్నారు. ఇక్కడే అసలు సమస్య మొదలైంది. తాను నిద్రపోతున్న సమయంలో తన కూతురు బెడ్ వద్దకు వచ్చిందని, హఠాత్తుగా లేచి చూస్తే ఆత్మరూపంలో తన కూతురు కనిపించిందని ఆమె తల్లి పేర్కొన్నది. తాను ప్రెగ్నెన్సీ వలన చనిపోలేదని, తన భర్త తనను హత్యచేశాడని చెప్పినట్లు తల్లి మేరీ తెలిపింది. షాకైన మేరి వెంటనే స్థానికి ప్రాసిక్యూటర్ వద్దకు వెళ్లి జరిగిన విషయాన్ని తెలియజేసింది. కేసును రీ ఓపెన్ చేయించింది.

Read: Saif AliKhan : తన నలుగురు పిల్లలతో 'ఆదిపురుష్' విలన్

స్థానిక ప్రజల అభిప్రాయం, పోస్ట్ మార్టం నిర్వహించిన డాక్టర్ అభిప్రాయం తీసుకున్న ప్రాసిక్యూటర్ జాన్ కేసులు రీఓపెన్ చేశారు. 1897 జనవరి 23న ఎల్వా చనిపోగా, 1897 ఫిబ్రవరి 22న ఎల్వా డెడ్‌బాడీని తిరిగి తీసి పోస్ట్‌మార్టమ్ చేశారు. దాదాపు 3 గంటలపాటు ఈ పోస్ట్‌మార్టమ్ జరిగింది. మార్చి 9, 1897లో రిపోర్ట్ బయటకు వచ్చింది. మెడ విరిచేసి, గొంతుపై తోక్కేశాడని, దీంతో ఆమె ఆహారనాళం పగిలిపోయినట్లు నిర్ధారించారు. ఫలితంగా ఎల్వా మరణించిందని నిర్ధారించారు. ఎల్వాను హత్యచేశారని నిర్దారించుకున్న పోలీసులు ఆమె భర్త ఎరాస్మస్‌ను అరెస్ట్ చేశారు. విచారణ సమయంలో ఎరాస్మస్ విషయాలు కొన్ని బయటకు వచ్చాయి. ఎల్వా కంటే ముందు మరో ఇద్దరిని వివాహం చేసుకున్నాడని, మొదటి భార్య విడాకులు తీసుకోగా, రెండో భార్య ఏడాదిలోపే మరణించిందని పేర్కొన్నారు. అయితే, ఎరాస్మస్ ఎలాగైనా ఏడుగురిని వివాహం చేసుకోవాలని అనుకుంటున్నట్టు విచారణలో తేలింది. విచారణ అనంతరం జులై 11, 1897లో కోర్టు తీర్పు వచ్చింది. ఎరాస్మస్‌కు జీవితఖైదు విధించారు. అయితే, మార్చి 13, 1900 సంవత్సరంలో ఎరాస్మస్ అంతుచిక్కని వ్యాధితో చనిపోయాడు. ఎల్వా ఆత్మ ద్వారానే ఈ కేసు పరిష్కారం అయిందని చెప్పి ఆమె సమాధిపై అధికారులు శిలాఫలకం ఏర్పాటు చేశారు.

విమర్శనాత్మక వ్యాసం పరిశోధన

 క్రైస్తవ మతాన్ని బిజెపి, ఆర్. ఎస్ .ఎస్ భారతదేశం నుండి పారద్రోలతాయనడం అనడం ఓ పెద్ద గ్లోబల్ ప్రచారం.

క్రైస్తవులలో ఉన్న ఈ నమ్మకం అతి పెద్ద అపోహ. దీనిని దైవ సేవకులు వాటేసుకోవడం ఇందులో అతి పెద్ద ట్విస్ట్.

ఈ భారతదేశం నుండి క్రైస్తవ మతాన్ని హిందూ సమాజం ఎన్నటికీ పారద్రోల లేదు. క్రైస్తవ మతం హిందూ సమాజానికి ఒక వరంవంటిది. ఇప్పుడున్న పెద్ద ఆర్థిక రంగాలు, పరిశ్రమలన్నీ హిందూ సమాజం ఆక్రమించుకుని ఉన్నాయి. ఆ రంగాలలోనికి వెళ్లడానికి క్రైస్తవమతం అనుమతించడం లేదు. అది అతిపెద్ద పాపంగా బోధిస్తూ ఉంటారు దేవాలయాల్లో. అది హిందూ సమాజానికి వరంగా మారింది. క్రైస్తవమతాన్ని ఆదరించేది భారతదేశంలో అత్యధిక శాతం షెడ్యూల్డ్ కులాలవారు. ఈ బహుజనులు అందరూ క్రైస్తవమతం స్వీకరించడం వల్ల అనేక రంగాలలోనికి వీరు ప్రవేశించలేకపోతున్నారు.  ఉదాహరణకు అత్యంత ఆకర్షణీయమైన మైనటువంటి ఆర్థికరంగాలు  సినిమా, టెలివిజన్, మీడియా, సంగీతం, నాట్యం, రచనరంగం, నాటకరంగం, వ్యాపారరంగం (మద్యపానం,),. ప్రస్తుతం ఈ రంగాలు భారతదేశంపై అత్యంత ప్రభావాన్ని చూపుతున్నాయి. ఈ రంగాలు రాజకీయాలపై కూడా అత్యంత ప్రభావాన్ని చూపుతున్నాయి. షెడ్యూల్డ్ కులాలకు ఈ రంగాలలో బలమైన వ్రేళ్ళు లేక రాజ్యాధికారాన్ని చేజిక్కించుకోవడం దుర్లభంగా మారింది. టెలివిజన్ చానళ్ళు వచ్చాయి అవేం చెపుతున్నాయి క్రైస్తవ భోదనలే. టెలివిజన్ ఉన్నా దళితులకు వనగూరేదేముంది.

క్రైస్తవ మతం బోధిస్తున్న లేదా నిరోధిస్తున్న కొన్ని బోధనలు

ఇహలోక సంబంధమైనవాటికి అంత ప్రాధాన్యత లేదు పరలోక రాజ్యానికి సంబంధించినది మాత్రమే ప్రధానమైనది .

సినిమా ,నాటకం ,టెలివిజన్, నృత్యం చేయడం ,పాటలు పాడటం, ఏదైనా క్రైస్తవుడి తలాంతులు అన్నీ దైవ సేవకే వాడబడాలి. పైవన్నీ సాతాను క్రియలుగా దైవజనులు భోధిస్తువుంటారు.

ఈ అంశాలతో షెడ్యూల్ కులాలవారిని క్రైస్తవ మతం  బాహ్య ప్రపంచంలోనికి వెళ్లనీయకుండా నిరోధిస్తూ  ఉన్నాయి. 

కానీ ఏ క్రైస్తవుడు సినిమాలు చూడకుండా ఉండటం లేదు, , టెలివిజన్లో వచ్చే కార్యక్రమాన్ని చూడకుండా ఉండటం లేదు, మద్యపానం తాగకుండా ఉండటం లేదు, 

సిని హీరో వెనకాల వీళ్లు ప్రచారసభలకు పరిగెత్తకుండా ఉండటం లేదు , రాజకీయ రంగాలగురించి మాట్లాడకుండా ఉండడం లేదు, సినిమా పాటలపై పేరడీలు వాడుకోకుండా ఉండడం లేదు, అన్ని క్రైస్తవ సమాజం పరోక్షంగా వీటిని  అనుసరిస్తుంది, వీక్షిస్తున్నది కూడా.

బయట రంగాలలో రాణించటానికి సరిపడిన విద్వత్తును స్వీకరించడానికి క్రైస్తవమతం షెడ్యూల్ కులాలవారికి అడ్డుగా నిలుస్తుంది. సంగీత రంగంలో ఇప్పుడున్న గాయకులకు తీసిపోని విధంగా క్రైస్తవ సంగీతంలో పాటలు పాడే మహాగాయకులు ఉన్ననూ వారు దేవుని స్తుతించుచూ పాటలు పాడడానికి పరిమితం కావడం వల్ల  సినిమా పరిశ్రమ హిందూ సమాజానికి మాత్రమే పరిమితమై వారు ఆర్థిక బలోపేతం కావడానికి తోడ్పడుతుంది. ఆర్దిక స్దొమతుకలిగిన కళాకారులు  ప్రజాప్రతినిధులుగా నెగ్గుతున్నారు.అదే క్రమంలో క్రైస్తవ మతం షెడ్యూల్డ్ కులాల దీన పరిస్థితికి అడ్డుగోడగా నిలుస్తోంది.ఇది కాదనలేని సత్యం. అయితే విదేశాలనుండి ఎంతో సహయాన్ని ఇస్తున్నాం అంటూ వాదిస్తారు. కాని గ్లామర్ ప్రపంచానికి తద్వారా రాజ్యాధికారానికి దూరం చేస్తున్న సంగతిని దాచెస్తారు.

అద్భుతమైనటువంటి నాట్యం చేసే కళాకారులు ఎందరో ఉన్నారు వారి నాట్యం క్రిస్మస్ సందర్భాలలో మాత్రమే ఉపయోగపడేలా క్రైస్తవ మతం వాడుకుంటుంది, ఎదగనీయకుండా  నిలువరిస్తుంది. అత్యధికంగా ఆర్థిక వెసులుబాటు కల్పించే రంగాలలోనికి వెళ్లడానికి తలాంతులు ఉన్ననూ వెళ్ళలేని పరిస్థితి షెడ్యూల్డ్ కులాలకు  ఈ క్రైస్తవ మతం అడ్డుగా ఉన్నది. అద్భుతమైనటువంటి రచయితలు ఉన్ననూ ఇవి దేవుని పాటలు ,దేవుని వాక్య వివరణ గ్రంధాలు రచించడానికి మాత్రమే పరిమితం అవుతున్నారు. ఒక్క సినిమా పాట రాసే సినిమా రచయితకు ఒక్కపాటకు 12  లైన్స్ రాస్తే పాట ఒక్కంటికీ  మూడులక్షల రూపాయలు రెవెన్యూ మా రేషన్ అందుకుంటున్నారు. అటువంటి ఆర్థిక వెసులుబాటును షెడ్యూలు కులాలు కోల్పోతున్నారు. సినీ నటుడిగా వెళ్లి   పేరు ప్రఖ్యాతలు తెచ్చుకుని ఆ పేరును ఉపయోగించి రాజకీయ రంగంలో స్థిరపడిన అగ్రకులాలను  మనం చూస్తూనే ఉన్నాం మరి క్రైస్తవులు అయినటువంటి షెడ్యూల్డ్ కులాలవారు అటువంటి సినిమా నటుడికి జేజేలు పలుకుతూ వారి వెంట పరిగెడుతున్న  సంఘటనలు చూస్తూనే ఉన్నాం. దళితులను వారిని  ఎదగనీయకుండా క్రైస్తవ మతం అడ్డుగోడగా నిలుస్తుంది. మద్యపానం వ్యాపారంలో కోటానుకోట్ల రూపాయల రాబడి ఉంటుంది అగ్రకులాలు హిందూ సమాజం ఈ వ్యాపార రంగంలోనికి చొరబడి కోటానుకోట్ల రూపాయలు సంపాదించి ఆర్థిక పరమైనటువంటి స్థిరత్వాన్ని పొందుతువుంది. క్రైస్తవ మతం షెడ్యూల్డ్ కులాలవారిని ఈ రంగంలోనికి వెళ్లనీయకుండా అడ్డుగోడగా నిలుస్తున్నది. తద్వారా బలమైన సామాజికవర్గంగా దళిత క్రైస్తవులు ఎదగలేకపోతున్నారు.

దూరదర్శన్ వంటి ప్రభుత్వ టీవీ చానల్స్ లో ప్రవేశాలకు అర్హతలేని పరిస్దితి షెడ్యూల్డ్ కులాలకు ఉన్నది. కానీ అన్ని తలాంతులు కలిగినటువంటి ఈ యొక్క కులాలు క్రైస్తవ మతం స్వీకరించడం వల్ల ఆధునిక ప్రపంచంలో బహుజనులగానే మిగిలిపోతున్నారు. బలమైన సామాజిక వర్గంగా రూపొందలేకపోతూ ఉన్నారు.ఈ దేశాన్ని నడిపించేటటువంటి రాజకీయరంగంలో ఎదగాలంటే పై రంగాలలో షెడ్యూల్డ్  కులాల వారు విస్తృతంగా ప్రవేశించి వలసిన అవసరం ఉంది. కానీ క్రైస్తవ ఆలయాలు వీరికిఅడ్డుగోడగా ఉన్నాయి. 

కానీ క్రైస్తవ సమాజం , క్రైస్తవ మత బోధకులు  ఇలా అంటూవుంటారు  హిందూ సమాజం, భారతీయ జనతా పార్టీ, ఆర్ఎస్ఎస్ వంటి సంస్థలు క్రైస్తవ మతాన్ని భారతదేశంలో లేకుండా చేయడానికి కుట్ర పన్నుతున్నాయని గ్లోబల్ ప్రచారం చేస్తూ ఉంటారు. దానికి క్రైస్తవ మతం మరీ ఎదగనీయకుండా  చేయడానికి అప్పుడప్పుడు ఈ బిజెపిలాంటి పార్టీలు నిధులు రాకుండా నిరోధిస్తున్న మాట వాస్తవమే అయినా అవి పైకి కనపడకుండా నిరోధించడానికి చేస్తున్న  ప్రయత్నాలే  తప్పించి క్రైస్తవ మతాన్ని ఈ భారతదేశం నుండి వెళ్లగొట్టడానికి వాళ్ళకి ఎంత మాత్రము కూడా ఇష్టముండదు. ఎందుచేతనంటే ఇప్పుడు ఉన్నటువంటి భారతదేశాన్ని నడిపిస్తున్నటువంటి అనేక రంగాలలో షెడ్యూల్డ్ కులాలవారు లేని సంగతి వారికి నిక్కచ్చిగా తెలుసు. అందుచేత క్రైస్తవ మతాన్ని గాని ఒకవేళ భారతదేశం నుండి పంపినట్లయితే ఇప్పుడు ఉన్నటువంటి షెడ్యూల్ కులాలవారు హిందూ సమాజంలోని హిందువులుగా ప్రవేశించి పై రంగాలను కబ్జా చేసే శాసించే పరిస్థితి ఉన్న సంగతి అగ్రకులాలైన హిందూసమాజంలోని ప్రతి ఒక్కరికీ తెలుసు. ఎప్పటికీ  హిందూ సమాజం క్రైస్తవ సమాజాన్ని లేకుండా చేయడానికి ప్రయత్నించదు, క్రైస్తవసమాజం ,క్రైస్తవ సమాజంలోని బోధనలు హిందూ సమాజానికి ఒక వరం వంటివి. 

క్రైస్తవ సమాజం షెడ్యూల్డ్  కులాలు ఉద్ధరించిన మాట వాస్తవమే అయినా ఓప్రక్క మరలా కొన్ని నిబంధనలు పేరు చెప్పి ఆదే క్రైస్తవ సమాజంలోనే కొట్టుమిట్టాడేలా చేయడం ఇక్కడున్న ప్రధానమైనటువంటి లోపం. ఆధునిక సమాజంలో భారతదేశ రాజ్యాధికారాన్ని చేరుకోవడానికి షెడ్యూల్డ్ కులాలవారికి వారి ఓట్లను వారు వేసుకునే పరిస్థితి కూడా ఇక్కడ లేకపోవడానికి కారణం గ్లామర్ గ్లామర్ ప్రపంచం. అగ్రకులాల వారి ఓట్లను పొందలేక పోవడానికి కారణం  షెడ్యూల్డ్ కులాలలో అగ్ర కులాలను ఆకర్షించే గ్లామర్ వ్యక్తులు లేకపోవడం. గ్లామర్ ఎలా వస్తుంది గ్లామర్ ప్రపంచంలో వుంటే. కాని దళితులకు వారి మతం పాపం అని భోధిస్తుంది.నిజానికి గ్లామర్ అనేది  కులాలకు సంబంధం లేకుండా ప్రతిభను బట్టి విద్వత్తును బట్టి సంపాదించుకునే వ్యక్తిగతమైనది. ఇందులో ప్రస్తుతం క్రికెట్ , భారతదేశంలో సినీ , టెలివిజన్, మ్యూజిక్ , నాట్యం, నటన , దర్శకత్వం, రంగాలు రాజ్యమేలుతున్నాయి.  ఇటువంటి పరిస్దితిని షెడ్యూల్డ్ కులాలువారు అర్థం చేసుకున్నప్పుడు సాధ్యం అవుతుంది.

షెడ్యూల్డ్  కులాలవారు భారతదేశ అధికారాన్ని హస్తగతం చేసుకోవాలంటే అగ్రకులాలవారు కూడా వీరి వెంట పరిగెత్తే పరిస్దితి తెచ్చుకోవాలి. ఆ పరిస్దితి గ్లామర్ రంగానికి వుంది. నూటికి 90 మంది క్రైస్తవులు అయినటువంటి షెడ్యూల్డ్ కులాల వారు క్రైస్తవ మతం స్వీకరించడం వలన

దానికున్న కట్టుబాట్లను బట్టి ఈ గ్లామర్ ప్రపంచంలోనికి రాలేక అధికారాన్ని రాజ్యాధికారాన్ని కోల్పోతున్న మాట ముమ్మాటికీ వాస్తవం. అక్కడక్కడ రిజర్వేషన్లు ఫలితంగానే వ్యక్తిగత మైనటువంటి వ్యక్తిగత పలుకుబడితో ఒకరిద్దరు  రాగలిగినప్పటికీ  రాజ్యాధికారాన్ని, అగ్రకులాలు లేదా హిందూ సమాజానికి సంబంధించిన ఓట్లను కొల్లగొట్టడానికి  క్రైస్తవమతం అడ్డుగోడగా నిలుస్తుంది. 

కానీ వాస్తవాన్ని మరిచి దళితులైన మమ్మలన్నీ ఇతరులు చిన్నచూపు చూస్తున్నారని ,దళితులను ఓట్ల బ్యాంకుగా చూస్తున్నారని, దళితులు ఎప్పుడూ కూడా అగ్రకులాలు నిర్మించే సినిమాలు చూస్తూ వారికి జేబులు నింపే వారిగా ఉన్నారని నిందలు వేస్తూ ఉంటారు. కానీ వీరు నమ్ముకున్నటువంటి క్రైస్తవ మతమే హిందూసమాజానికి ఒక వరమైన ఉన్న సంగతిని వీరు గ్రహించకపోవడం దురదృష్టకరం.  అమెరికా, లండన్ వంటి దేశాలలో ఇటువంటి రంగాల్లో ఉన్న వారందరూ  క్రైస్తవులే అయినప్పటికీ కూడా గ్లామర్ ప్రపంచంలో వుంటారు. హాలీవుడ్ సినీపరిశ్రమ అంతా కూడా క్రైస్తవులే.ఇక్కడ  క్రైస్తవులు బిజెపి వచ్చేసింది, ఆర్. ఎస్.ఎస్  ఉందీ క్రైస్తవ మతాన్ని  భారతదేశంలో లేకుండా చేసేస్తారని అంటూవుంటారు అది వాస్తవమేనా? క్రైస్తవదేశాలలో వృత్తులు వృత్తులుగా చూస్తారు. మతాన్ని మతంగా  చూస్తారు. ఇక్కడ ఉన్నటువంటి క్రైస్తవమత బోధకులు , ,క్రైస్తవ దేవాలయాలు షెడ్యూల్డ్  కులాలవారిని  వాక్య నిబంధనలు పెట్టి షెడ్యూల్డ్ జాతిని ఎదగనీయకుండా చేస్తున్న సంగతి బాధాకరమైన విషయంగా తోస్తుంది.  మేధావి వర్గం  ఏమీ చేయలేని పరిస్దితి . 

క్రైస్తవులైన షెడ్యూల్డ్ కులాలవారికి ఇది విచిత్రమైన పరిస్దితే. అంబేద్కర్ వంటి మహనీయుడు క్రైస్తవమతం స్వీకరించకపోవడానికి  మూడమైన క్రైస్తవ నిభందనలు కూడా ఒక కారణం కాదా? .  అంబేద్కర్ క్రైస్తవ మతం స్వీకరించి వుంటే ప్రతీ చర్చిలో అతను దేవుడుతో సమానంగా కొలువుతీరేవాడని వ్యాసకర్తతో అనేక మంది చెప్పడం తెలుసు.కాని క్రైస్తవమతం ఇహలోకమైన వాటికి ప్రాధాన్యతను ఇవ్వనప్పుడు దళితుల బాదలు ,రాజ్యాధికారం ఎలా సాధ్యమతుందనుకుని అంబేద్కర్ బౌద్దమతం స్వీకరించాడు.

క్రైస్తవమతస్తులైన షెడ్యాల్డ్ కులాలవారు ఓ అడుగుముందుకేసి  అగ్రవర్ణాలవారిగా భావించుకుని అనేకచోట్ల మసలుతూ వుండడం  బావదారిధ్యం. ఏదిఏమైనా దళితులకు రాజ్యాధికారం , ఆర్ధిక ప్రగతి రాకుండా చేయడానికి హిందూ సమాజం క్రైస్తవ మతాన్ని తప్పక ప్రోత్సహిస్తుంది. 

అందుచేత క్రైస్తవులందరికీ క్రైస్తవమతాన్ని భారతదేశం నుండి రూపుమాపడానికి ప్రయత్నాలు జరుగుతున్నాయని చెప్పడం భోధకులు చేస్తున్న తప్పుడు ప్రచారమే.దళితులు అణగారినవర్గాలుగా ఉంటేనే అగ్రవర్ణాలు మనగలుగుతాయి అందుకు క్రైస్తవమతం తప్పనిసరి .లేదంటే అత్యంత ప్రతిభావంతులైన దళితులు గ్లామర్ రంగాలను శాసించి రాజ్యాధికారాన్ని చేజిక్కించుకోగలుగుతారు.

    

దాసరి అంతిమ యాత్ర ఫోటోలు

 

ఆంధ్రజ్యోతి ఛానల్ లో అన్నగారి లైఈ రోడు

 

ఈరోజు సాయంత్రం 7:00 నుండి 7:30 వరకు ఏబీఎన్ ఆంధ్రజ్యోతి టీవీలో మందకృష్ణ మాదిగ ఏబీఎన్ వెంకటకృష్ణ గారు తో లైవ్ డిబేట్ దయచేసి అందరికి షేర్ చేయండి#14/07/2021

శ్రీనివాస పిళ్ళై

 శ్రీనివాస పిళ్లై తండ్రి మునియపిళ్లై. ఆనాడు మదరాసులోని అత్యంత ధనవంతుల్లో ఒకడు. 1807లో కరువు వచ్చినపుడు వారిని ఆదుకునేందుకు ఈస్టిండియా కంపెనీ ఒక కమిటీని ఏర్పాటు చేసింది. ఆ కమిటీలో తొమ్మిది మంది దేశీయు లున్నారు. అందులో మునియపిళ్లై ఒకరు. తండ్రి సంపాదించిన ఆస్తిలో చాలా వరకు శ్రీనివాస పిళ్లై విద్యావసరాలకు వెచ్చించిండు.

శ్రీనివాస పిళ్లై జూలై 5, 1849లో వీలునామా రాస్తూ చెంగల్పట్‌ జిల్లా మణిమంగంళం తాలూకాలో తమ 'మేట తొడుకాడు' ఎస్టేట్‌లో ఉన్న 1500ల కానీలు (ఒక కానీ 1.322 ఎకరాలకు సమానం) భూమిని పచ్చియప్ప చారిటీస్‌ ట్రస్ట్‌కు రాసిచ్చిండు. అంతేగాకుండా ఇందులో ఎనిమిదోవంతు ఫండ్స్‌ని పేద బ్రాహ్మణేతర విద్యార్థులకు స్కాలర్‌షిప్‌గా ఇవ్వాలని అందులో పేర్కొన్నాడు. ఆ మేరకు ఆయన కుటుంబంలోని వారు అర్హులైన వారిని ఎంపిక చేసేవారు. దేశంలో బ్రాహ్మణేతరుల విద్య కోసం పాటుపడిన మొదటి వ్యక్తి శ్రీనివాసపిళ్లై. వారి కోసం ఏకంగా ఒక ట్రస్టుని ఏర్పాటు చేసి దానితరపున కింది కులాల వారి విద్యకు కృషి చేసిండు. ఇది అప్పటికి విప్లవాత్మక చర్యగా గుర్తించాలి.

అవును పేద బ్రాహ్మణేతర విద్యార్థులకు అవార్డులివ్వాలని 1849లోనే శ్రీనివాస ప్ళి వీలునామా రాసిండు. పిళ్లై కూడాబ్రాహ్మణేతరుడే. బహుజనుడు. శ్రీనివాస ప్ళి 21 జనవరి 1804 నాడు మదరాసులో జన్మించిండు. దిగవల్లి శివరావు ఈయన 1852లో చనిపోయిండని కాశీయాత్ర చరిత్రలో పేర్కొన్నాడు. నిజానికి పిళ్లై 27 మార్చి 1853 నాడు చనిపోయిండు. ఈయన యాదవ కులంలో జన్మించిండు.

ఇట్లా ఒక సంపన్న యాదవ కులంలో పుట్టి చదువుకొని, 1830వ దశకంలోనే పేదవారి విద్యాభ్యాసం కోసం అహరహం కృషి చేసిండు. వితంతు వివాహాలను ప్రోత్సహించిండు. గాజుల లక్ష్మీనరసు శెట్టి, ఎం.వెంకట్రాజులు నాయుడు, తదితరులతో కలిసి మదరాసు కేంద్రంగా రాజకీయ కార్యకలాపాలకు ఊత మిచ్చిండు. ఇంకా చెప్పాలంటే 1830-1853 మధ్య కాలంలో శ్రీనివాస పిళ్లై లేకుండా మదరాసులో ఎలాంటి ప్రజాహిత సామాజిక, రాజకీయ కార్యక్రమం జరగలేదంటే అతిశయోక్తి కాదు. బహుశా మొత్తం భారతదేశంలో కింది కులాల వారి విద్య కోసం పరితపించిన వారిలో శ్రీనివాస పిళ్లై మొదటి వాడు. ఆయనకు నివాళి.

సంగిశెట్టి శ్రీనివాస్‌